Yan sanda sun kama wani Dan shekara 20 mai sacewa tare da kashe mutane a Zaria.

Wani saurayi mai shekara 20 Ahmed Abdullahi dake Hayin Gada, Zabi a karamar hukumar Sabon Gari ta jihar Kaduna ana zargin sa da sacewa tare da kashe makwabcin sa Muhammad Bello mai shekara 14 bayan ya karbi naira dubu sittin daga hannun iyayen yaron don sako shi.
Mahaifin Yaron da aka kashe Alh Shehu yace aikin marigayin ya kai kiwon awaki a ranar Ashirin ga watan Satumba , kuma aikin daya saba yi kenan bayan ya dawo daga makaranta , sai bai dawo ba daga kiwon.
Yakara dacewa tundaga ranar basu ganshiba kuma duk kokari da sukayi na Neman sa yaci tura sai bayan kwana goma sha takwas sai shi Alh shehu Abubakar ya amsa waya daga wasu cewa Dan sa yana hannun su kuma sai ya basu naira miliyan biyar kafin su sake shi.
Mahaifin yaro yayi kira ga mahukumta dasu yi adalci akan kashe masa yaro bayan an karbi kudi da suke so a hannun sa.
An binne gawar Muhammad Bello ranar juma’a da karfe takwas na safe bayan Asibiti ta bada gawar sa.
Dayake tabbatar da aukuwar lamarin jami’in Hulda da jama’a na rundunar yan sandar jihar Kaduna DSP Yakubu A Sabo yace Wanda ake zargi da aikata laifin Ahmed Abdullahi da wani mai suna Malam ana binciken su a hedkwatar rundunar.